ភ្នំពេញ៖ ថ្ងៃទី៣ នៃការធ្វើចត្តាឡីស័ក្កនាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានបង្ហោះនូវវីដេអូនៃការលេងកីឡារបស់ចៅ ២នាក់របស់សម្ដេចដែលកំពុងប្រកួតនៅប្រទេសវៀតណាម។
សម្ដេចតេជោបានបង្ហោះវីដេអូនៅល្ងាចថ្ងៃទី១៧ ខែវិច្ឆិកា ឆ្នាំ២០២២នេះជាមួយនឹងសំណេរថា៖ «ចៅកាត់មករកជីតា លេងបាល់ទាត់ បាល់ទះតាំងពីក្មេង។ ចៅសាល ចៅណាក់ ២នាក់បងប្អូនស្ថិតក្នុងក្រុមរបស់សាលាអាមេរិកកំពុងប្រកួតនៅវៀតណាម។ សូមមើលចៅសាលវាយបាល់ចេញ»។
គួរឱ្យដឹងផងដែរថា បច្ចុប្បន្ននាយករដ្ឋមន្ត្រីកម្ពុជា សម្ដេចតេជោ ហ៊ុន សែន មានបុត្រា បុត្រី ចំនួន ៥នាក់ និងមានចៅបង្កើតចំនួន ២២នាក់៕
